(روز نامہ قدس ۔آنلائن خبر رساں ادارہ ) حماس کا کہنا ہے کہ قبلہ اول کے تحفظ اور صہیونی دشمنوں سے ارض مقدس واگزار کرانے کے لیے کامیابی تک جدوجہد جاری رکھیں گے۔
مقبوضہ فلسطین میں غاصب صہیونی ریاست اسرائیل کی دہشتگردی کے خلاف برسرپیکار اسلامی مزاحمتی تحریک حماس کے بیرون ملک سیاسی امور کی کمیٹی کے رکن ہارون ناصر الدین نے غاصب صہیونی ریاست اسرائیل کی جانب سے مسجد اقصیٰ کو سیاحتی مقام میں تبدیل کرنے اور غیر قانونی صہیونی آبادکاروں کے مقدس مقام پر غیر مناسب لباس کے ساتھ داخل ہونے کی شدید مذمت کرتے ہوئے کہا ہے کہ مسجد اقصیٰ کی اس مسلسل بے حرمتی کو قبول نہیں کیا جاسکتا۔
یہ بھی پڑھیے
صہیونی پولیس نے قبلہ اول کے محافظ سمیت تین فلسطینیوں کو گرفتار کرلیا
انھوں نے کہا ہے کہ غاصب صہیونی ریاست مسلسل مسلمانوں کے مقدس ترین مقام قبلہ اول کی حرمت کو پامال کرنے کے اقدامات کر رہی ہیں انھوں نے ان واقاعت کو سنگین جرائم کے مماثل قرار دیا اور کہا ان واقعات سے مسلمانوں کے جذبات مجروح ہو رہے ہیں۔
فلسطینی عوام یہ سب کچھ دیکھ کر بے تعلق نہیں کھڑے رہیں گے۔ انہوں نے خبردار کیا کہ مسجد اقصیٰ کے تحفظ اور قابضین سے اپنی سرزمین واگزار کرانے کے لیے کامیابی تک جدوجہد جاری رکھیں گے۔