طوباس: صہیونی آبادکاروں کا فلسطینیوں کے خلاف اشتعال انگیز مارچ

(روز نامہ قدس ۔آنلائن خبر رساں ادارہ ) درجنوں غیر قانونی صہیونی آبادکاروں نے مغربی کنارے میں فلسطینیوں کے خلاف اشتعال انگیز مارچ کیا اور نسل پرستی پر مشتمل  اسلام مخالف نعرے بازی کی۔

فلسطین کی سرکاری وفا نیوز ایجنسی کے  مطابق گذشتہ روز شمالی مقبوضہ مغربی کنارے میں واقع طوباس کے جنوب مشرق میں واقع گاؤں عاطوف کے قریب درجنوں غیر قانونی صہیونی آبادکاروں نے فلسطینیوں کے خلاف اشتعال انگیز مارچ کیا ، صہیونیوں کو اسرائیلی سیکیورٹی فورسز کی سیکیورٹی فراہم کی گئی تھی۔

یہ بھی پڑھیے

صہیونی فوج کے ساتھ جھڑپیں جاری، 19 سالہ فلسطینی شہید

شرپسند صہیونی آبادکاروں نے فلسطینیوں کے خلاف اشتعال انگیز اور نسل پرستی پر مشتمل اسلام مخالف نعرے بازی بھی کی گئی، واضح رہے کہ گذشتہ روز اس علاقے میں مزاحمت کاروں کی جانب سے صہیونی فوج کی ایک بس پر حملہ کیا گیا تھا جس میں چھ اسرائیلی فوجیوں سمیت 7 اسرائیلی زخمی ہوگئے تھے ۔