(روز نامہ قدس ۔آنلائن خبر رساں ادارہ ) صہیونی فوج نے چھ ماہ قبل نابلس کی رہائشی دو طالبات کو گھر میں گھس کر اغو ء کرنے کے بعد بغیر کسی جرم کے قید میں ڈال دیا تھا۔
فلسطینی قیدیوں کی تفصیلات فراہم کرنےوالے ادارے کی رپورٹ میں انکشاف کیا گیا ہے کہ گذشتہ روز صہیونی عدالت نے مقبوضہ مغربی کنارے کے شہر نابلس کی رہائشی اور النجاہ نیشنل یونیورسٹی کی طالبہ آمنہ اشتیہ کو چھہ ماہ بغیر کسی جرم کے قید رکھنے کے بعد رہا کردیا ہے ۔
غاصب صہیونی فورسز نے النجاہ نیشنل یونیورسٹی کی فیکلٹی آف شریعہ کی دو طالبات عائدہ المصری اور آمنہ اشتیہ کو تیس مار چ 2022 کو گھر میں گھس کر حراست میں لیا تھا ، تاہم ان پر کسی مقدمہ کا اندراج نہیں کیا تھا بلکہ ان دونوں طالبات کو انتظامی حراست کی غیر قانونی پالیسی کے تحت قید میں ڈالا گیا تھا ، گذشتہ روز صہیونی عدالت نے آمنہ اشتیا کو رہا کرنے کا حکم دیا جبکہ عائدہ المصری کی قید میں ایک ماہ کی مزید توسیع کردی گئی ہے ۔