صہیونی فوج کی دہشتگردی جاری: فائرنگ سے دو فلسطینی شہید

(روز نامہ قدس ۔آنلائن خبر رساں ادارہ ) دونوں شہید فلسطینی نوجوانوں کو غاصب صہیونی فوج کے اسنائپرز نے دانستہ نشانہ بنایا۔

فلسطینی ذرائع کے  مطابق  غاصب صہیونی فورسز نے مقبوضہ بیت المقدس میں دہشتگردی کے دو مختلف واقعات میں دو فلسطینی نوجوانوں کو  بے دردی سے شہید کردیا ہے۔

یہ بھی پڑھیے

نابلس: صہیونی فوج سے جھڑپ 20 سےزائد فلسطینی زخمی

 صہیونی فورسز کے اسنائپرز نے مقبوضہ بیت المقدس کے شہر نابلس میں العین پناہ گزین کیمپ  میں 25 سالہ فلسطینی نوجوان سامر خالد کو اس وقت نشانہ بنایا جب وہ الرقائب فوجی چوکی کے قریب سے گزر رہا تھا ، اسرائیلی اسنائپرنے سامر خالد کی گردن میں گولی ماری جس کے باعث وہ شہید ہوگیا ۔

دوسرا واقعہ  قلندیہ کیمپ میں پیش آیا جہاں  26 سالہ فلسطینی نوجوان یزن عفانہ کو صہیونی اسنائپرز نے نشانہ بناتے ہوئے اس کے دل میں گولی ماری گئی جس کے باعث وہ موقع پر شہید ہوگیا ۔