(روز نامہ قدس ۔آنلائن خبر رساں ادارہ ) حماس نے شرپسند صہیونی آبادکاروں کی جانب سے نبی سیموئل کے مزار پر دھاوا بولنے کے واقع کو سنگین جرم قرار دیتے ہوئے فلسطینیوں کو ان کا مقابلہ کرنے اور آباد کاروں کو دہشت زدہ کرنے کا مطالبہ کیا ہے۔
مقبوضہ فلسطین میں صہیونی ریاستی جبر کے خلاف برسرپیکار اسلامی مزاحمتی تحریک حماس کے ترجمان محمد حمادہ نے گذشتہ روز مقبوضہ بیت المقدس کے مغرب میں واقع گاؤں النبی سموئل اور ان کے مزار پر دھاوا بولنے کے واقع کو جرم قرار دیا ہے۔
انھوں نے کہا کہ جرائم پیشہ صہیونی آبادکاروں کو لگام دی جائے، صہیونیوں کی دہشتگردانہ سازش گاؤں اور اس کی مسجد میں ہزاروں آباد کاروں کا حملہ القدس کے باشندوں کو بے گھر کرنے کے عمل کے اندر ایک نیا جرم ہے۔
انہوں نے کہا کہ یہ منصوبہ القدس پر شدید آبادکاری کے حملے کے پیمانے کو ظاہر کرتا ہے تاکہ اسے مشکوک بین الاقوامی خاموشی کی روشنی میں کنٹرول کیا جا سکے۔