اسرائیل کی ایک اور صہیونی بستی کی تعمیر کی کوشش، امریکہ کی مخالفت

(روز نامہ قدس ۔آنلائن خبر رساں ادارہ )  صہیونی وزیرداخلہ کی کوشش ہے کہ غیر قانونی بستی کی تعمیر کی تجویز منظوری کے لئے جلد سے جلد کنیسٹ میں  پیش جائے جبکہ امریکی سفیر اس تعمیر کے خلاف ہیں۔

غاصب صہیونی ریاست کے عبرانی زبان کے چینل 13 نے اپنی رپورٹ میں انکشاف کیا ہے کہ اسرائیلی وزیرداخلہ ایلیت شاکید کی کوشش ہے کہ مقبوضہ بیت المقدس کے جنوب مشرق میں بیت الصفا کے فلسطینی قصبے کے قریب جفعات میں 700 گھروں پر مشتمل ایک نئی غیر قانونی صہیونی بستی کی تعمیر  شروع کی جائے جس کے لئے انھوں نے تجویز کو کنیسٹ میں پیش کرنے کےلئے تیاری شروع کردی ہے۔

یہ بھی پڑھیے

اقوام متحدہ میں رکنیت کی درخواست پر فلسطینی اتھارٹی کو امریکہ کی دھمکی

دوسری جانب ذرائع کا کہنا ہے کہ  صہیونی وزیرداخلہ کی اس تجویز پر اسرائیل میں تعینات امریکی سفیر تھامس رچرڈنائیڈز بھرپورمخالفت کررہے ہیں جس سے یہ تاثر ملتا ہے کہ امریکہ اس منصوبے کا مخالف ہے۔

امریکی سفیر کا کہنا ہے کہ نئی بستی کی تعمیر سے مزید اشتعال پھیلے گا اور تشدد کی نئی کارروائیوں میں اضافہ ہوگا جبکہ دوریاستی حل کی کوششوں کو بھی نقصان پہنچے گا ۔