(روز نامہ قدس ۔آنلائن خبر رساں ادارہ ) صہیونی ریاست کی فضائیہ نے شام میں متعدد ٹھکانوں پر حملہ کیا حملے میں سب سے بڑا ہدف ہتھیاروں کا ڈپو تھا جس میں تقریباً ایک ہزار درمیانے فاصلے تک مار کرنے والے میزائل تھے۔
غیر ملکی خبررساں ادارے کی رپورٹ کے مطابق غاصب صہیونی ریاست کی فضائیہ نے شام میں ایک متعدد مقامات پر حملہ کیا جس میں اسلحہ ڈپو بھی شامل ہے جہاں بھاری مقدار میں مزائل ذخیرہ کئے گئے تھے ، ذرائع کا کہنا ہے کہ حملے میں بڑے پیمانے پر تباہی پھیلی ہے حملے کے پانچ گھنٹوں بعد بھی ڈپو میں دھماکےسنائے دیتے رہے ہیں ، ذرائع کا کہنا ہے کہ ڈپو میں حملے کے وقت ایک ہزار سے زائد درمیانے فاصلے کے مارکرنے والے میزائل موجود تھے ۔
ذرائع کا کہنا ہے کہ صہیونی حملے میں شام کی اسلحہ بنانے کی سہولت کو کوئی نقصان نہیں پہنچا ہے کیونکہ وہ زیر زمین پہاڑوں کو کاٹ کر انتہائی گہرائی میں بنائی گئی ہے ، حملے میں تاحال کسی شامی فوجی کے زخمی یا ہلاک ہونے کی کوئی اطلاعات موصول نہیں ہوئی ہیں ۔