(روز نامہ قدس ۔آنلائن خبر رساں ادارہ ) غزہ کے کئی مریض اور زخمی فلسطینی محض اس لئے موت کے منہ میں چلے جاتے ہیں کہ اسرائیل کی جانب سے انھیں علاج کےلئے سفر کا اجازت نامہ جاری نہیں کیا جاتا ہے۔
مقبوضہ فلسطین میں صہیونی دہشتگردی اور انسانی حقوق کے تحٖفظ کے لئے کا م کرنے والے ادارے المیزان سینٹر فار ہیومن رائٹس نے اپنی رپورٹ میں انکشاف کیا ہے کہ اسرائیل فلسطینیوں کے خلاف سنگین جنگی جرائم اور انسانی حقوق کی بد ترین خلاف ورزیوں کا مرتکب ہورہا ہے ، کئی فلسطینی مریض اور زخمی محض اس لئے موت کے منہ میں چلے جاتے ہیں کہ اسرائیل کی جانب سے انھیں علاج کےلئے سفر کا اجازت نامہ جاری نہیں کیا جاتا ہے۔
یہ بھی پڑھیے
عباس ملیشیاں کےتشدد سے زخمی فلسطینی بچہ شہید ہوگیا
رپورٹ میں بتایا گیا ہے کہ حالیہ غزہ پر اسرائیلی وحشیانہ بمباری میں زخمی ہونے والا 6 سالہ بچہ فاروق محمد اسماعیل ابو النجا صرف غزہ سے سفر کی اجازت نہ ملنے کے باعث شہید ہوگیا ۔