(روز نامہ قدس ۔آنلائن خبر رساں ادارہ ) ناروے کی وزیرخارجہ غیر قانونی صہیونی بستیوں میں تیار ہونے والی مصنوعات کی عالمی سطح پر پابندی کی حامی ہیں جنہوں نے ان مصنوعات کے بائیکاٹ کا مطالبہ بھی کیا تھا۔
تفصیلات کے مطابق غیر قانونی صہیونی ریاست اسرائیل کے معروف عبرانی اخبار یدیعوت احرونوت کی رپورٹ کےمطابق صہیونی ریاست کے وزیراعظم یائرلپیڈ نے ناروے کی وزیر خارجہ انکین ہوتیفلڈ جوآئندہ ماہ غیر قانونی صہیونی ریاست کا دورہ کرنے والی ہیں ان سے ملاقات نا کرنے کا فیصلہ کیا ہے۔
رپورٹ کے مطابق یہ فیصلہ اسرائیلی مصنوعات کے بائیکاٹ کے پس منظر میں آیا ہے ، وزیر خارجہ انکین ہوتیفلڈصہیونی ریاست فلسطینیوں کی زمین پر تعمیر کردہ غیر قانونی بستیوں میں تیار ہونے والی مصنوعات کے خلاف ہیں اور ان مصنوعات کے بائیکاٹ کا مطالبہ بھی کرچکی ہیں۔
یہ بھی پڑھیے
الخلیل سے عالمی امن دستے کے نکالنے کا اسرائیلی فیصلہ قبول نہیں : ناروے
اسرائیلی وزیراعظم کی وزیر خارجہ انکین ہوتیفلڈ سے ملاقات سے انکار کی ایک اور وجہ یہ بھی بتائی گئی ہے کہ ناروے کی وزیر خارجہ ، اسرائیل کے دورے کے دوران ستمبر میں منعقد ہو نے والے فلسطینی اتھارٹی کو عطیہ کرنے والے ممالک کے اجلاس میں شرکت بھی کریں گی ۔
واضح رہے کہ ناروے فلسطینی اتھارٹی کو عطیہ دینے والا یورپ کا سب سے بڑا ملک ہے اور یہ بات اسرائیل کو کسی صورت قبول نہیں ہے ۔”