صہیونی ریاست اور لبنان کے درمیان سمندری حدود کا معاہدہ متوقع

(روز نامہ قدس ۔آنلائن خبر رساں ادارہ ) ذرائع نے دعویٰ کیا ہے کہ غیر قانونی صہیونی ریاست اور لبنان  متنازع سمندری حدود پر معاہدے کے حتمی مراحل میں ہیں جس سے سمندری حدود واضح ہوجائے گی۔

غیر ملکی خبر رساں ادارے نے ذرائع کے حوالے سے دعویٰ کیا ہے کہ غیر قانونی صہیونی ریاست اسرائیل اور لبنان کے درمیان کارش گیس فیلڈ کے اطراف سمندری حدود کے تنازع پر حتمی معاہدہ اگلے مہینے متوقع ہے۔

یہ بھی پڑھیے

لبنانی حکومت حزب اللہ کے پیداکردہ غیر ضروری اختلافات میں الجھ رہی ہے، نفتالی بینیٹ  

رپورٹ میں دعویٰ کیا گیا کہ لبنان کے ذرائع نے معاہدے کے آخری مراحل میں ہونے کی تصدیق کی ہے۔

ذرائع نے یہ بھی کہا کہ وہ جلد ہی امریکی ثالث ایموس ہوچٹین کو معاہدہ مکمل ہونے کے متعلق مطلع کریں گے۔

یاد رہے کہ اسرائیل اور لبنان کے مابین سمندر میں موجود قدرتی گیس والے علاقے کی ملکیت پر برسوں سے تنازع چلا آرہا ہے۔