(روز نامہ قدس ۔آنلائن خبر رساں ادارہ ) گزشتہ ایک ہفتے کے دوران غاصب صہیونی فورسز نے مقبوضہ مغربی کنارے اور مقبوضہ بیت المقدس کے مختلف علاقوں میں غیر قانونی چھاپوں کے دوران ایک بچے سمیت تین فلسطینیوں کو شہید کر دیا۔
فلسطینی ذرائع کےمطابق غاصب اسرائیلی فوج نے مقبوضہ مغربی کنارے اور مقبوضہ بیت المقدس میں وحشیانہ دراندازی کے دوران تین فلسطینیوں محمد الشہام، وسیم خلیفہ اور صلاح صوفتا کو شہیدکردیا ۔
یہ بھی پڑھیے
مغربی کنارے:صہیونی فوج کی کارروائیاں، ایک فلسطینی شہید، خواتین سمیت 31 زخمی
15 اگست کو مقبوضہ بیت المقدس کے علاقے کفر عقب میں صہیونی فوجیوں نے نام نہاد تلاشی کے دوران گھر میں گھس کر فلسطینی نوجوان محمد الشہام کے سر میں گولی مار ی اور 40 منٹ تک بغیر کسی طبی امداد کے خون بہنے کے لیے چھوڑ دیا جس کے باعث اس کی شہادت ہوگئی ۔
18 اگست کو اسرائیلی فوجیوں نے مقبوضہ مغربی کنارے کے شہر نابلس میں ایک ایک گھر پر چھاپے کے دوران 19 سالہ فلسطینی نوجوان وسیم خلیفہ کو گولی مار کر شہید کر دیا۔
قبل ازیں جمعہ کو اسرائیلی فوجیوں نے 58 سالہ صلاح صفتہ کو اس وقت گولی مار کر ہلاک کر دیا جب وہ مقبوضہ مغربی کنارے کے شہر تباس میں صبح کی نماز سے گھر جا رہے تھے۔ مقامی لوگوں نے بتایا کہ صفتہ آئندہ منگل کو اپنی بیٹی کی شادی کی تقریب کی تیاریاں کررہے تھے