(روز نامہ قدس ۔آنلائن خبر رساں ادارہ ) حماس کےترجمان نے کہا ہے کہ فلسطینیوں کے خلاف سنگین جنگی جرائم پر باربار عالمی برادری سے تحقیقات کے مطالبہ پر عالمی برادری کی خاموشی اسرائیلی دہشتگردی پر معاونت کے مترادف ہے۔
مقبوضہ فلسطین میں صہیونی ریاستی دہشتگردی کے خلاف برسرپیکار اسلامی مزاحمتی تحریک حماس کے ترجمان نے ایک حالیہ انٹر ویو میں غزہ پر حالیہ اسرائیلی دہشتگردی اور سنگین جنگی جرائم پر سخت تنقید کرتے ہوئے کہا ہے کہ اسرائیلی جرائم کی تحقیقات کے لیے ہمارے بار بار کے بین الاقوامی اداروں سے مطالبات فلسطینی عوام کے صبر کا امتحان اور کھلی دہشت گردی پرصہیونی ریاست کی معاونت کے مترادف ہے۔
یہ بھی پڑھیے
صہیونی فوج کے ہاتھوں ایک اور بے گناہ فلسطینی کی شہادت
انھوں نے گذشتہ روز مقبوضہ بیت المقدس میں محد الشہام کے لرزہ خیز قتل اور پھر لاش کو رسیوں سے باندھنے کے دل خراش واقعہ کو انسانیت کی تذلیل قرار دیتے ہوئے کہا ہے کہ عالمی برادری کو اسرائیل کی سنگین جنگی جرائم کا نوٹس لینا چاہئے ۔
انھوں نے عالمی برادری سے مطالبہ کیا ہے کہ وہ اسرائیلی قبضے کو فلسطینی عوام کے خلاف جنگی جرائم کا جوابدہ ٹھہرانے کے لیے سنجیدہ اقدامات کرے۔
واضح رہے کہ مقبوضہ بیت المقدس میں محمد الشہام کے لرزہ خیز قتل پر اقوام متحدہ میں مشرق وسطیٰ قیامِ امن کے لیے متعین نمائندہ خصوصی ٹور وینس لینڈ نے سماجی رابطوں کی ویب سائٹ ٹوئٹر پر اپنے پیغام میں اقوام متحدہ کی جانب سے نے نوجوان کے قتل کی "فوری، جامع اور آزادانہ تحقیقات” کا مطالبہ کرتے ہوئےلکھا تھا کہ میں کفر عقب میں اسرائیلی سکیورٹی فورسز کے ہاتھوں فلسطینی نوجوان محمد الشہام کی اس کے گھر میں ہلاکت پر سخت پریشان ہوں۔ اس واقعے کی فوری، مکمل اور آزاد تحقیقات کی ضرورت ہے۔