(روزنامہ قدس ۔آن لائن خبر رساں ادارہ) صہیونی پولیس کی گولی نوجوان کے سر میں لگی جس کے بعد ہسپتال منتقلی کے دوران ہی زخموں کی تاب نہ لاتے ہوئےفلسطینی جان کی بازی ہار گیا۔
تفصیلات کے مطابق گذشتہ روز مقبوضہ بیت المقدس میں قابض صہیونی پولیس کی جانب سےفلسطینیوں کو ہراساں کر نے کیلیے کی گھر گھر تلاشی کی مہم کے دوران اسرائیلی فوجیوں نے گھر میں گھس کر ایک فلسطینی کو سر میں گولی مار کر شہید کردیا۔
یہ بھی پڑھیے
غزہ: اسرائیلی جارحیت سے شہید 10 سالہ لیان الشاعر سپرخاک
عینی شاہدین نے بتایا کہ صہیونی اہلکاروں نے نوجوان محمد الشحام کے گھر پر دھاوا بولااور اسلحہ کی تلاش کے نام پرفلسطینی کو بربریت کا نشانہ بنایاجس کے بعد بغیر کسی جرم کے اس پر فائرنگ کی گئی جس کے نتیجے میں سر میں گولی لگنے کے باعث نوجوان شدید زخمی ہوگیا، صہیونی پولیس کے ہاتھوں زخمی فلسطینی نوجوان محمد شاہم ہسپتال منتقلی کے دوران ہی زخموں کی تاب نہ لاتے ہوئے جان کی بازی ہار گیا۔
مقبوضہ بیت المقدس میں قابض صہیونی حکام خصوصی طور پر فلسطینی شہریوں پر بڑے پیمانے پر دہشت گردانہ آپریشن کاآغاز کر چکے ہیں جس کا مقصد انہیں القدس سے بے دخل کر کے یہاں صہیونی غیر قانونی آبادکاروں کے لیے رہائشی یونٹس تعمیر کر کےقبلہ اول پر مکمل قبضہ کر نا ہے۔a