(روز نامہ قدس ۔آنلائن خبر رساں ادارہ ) مقبوضہ فلسطین کے محصور شہر غزہ پر غاصب ریاست اسرائیلی فوج کے فضائی حملوں میں شہید ہونے والے فلسطینیوں کی کی تعداد 48 ہو گئی جبکہ جمعرات کی صبح حملوں کے دوران زخمی ہونے والی 9 سالہ فلسطینی بچی لیان الشعر آج زخموں کی تاب نہ لاتے ہوئے دم توڑ گئی۔
قابض فوج نے گزشتہ جمعے کی شام سے غزہ کی پٹی پر تین روزہ جارحیت کا آغاز کیا، جس کے نتیجے میں مجموعی طورپر 48 فلسطینی شہری شہید اور 360 سے زائد زخمی ہوچکے ہیں، جبکہ جانی نقصان کے ساتھ ساتھ شدید مالی نقصان ہوا ہے جس میں درجنوں مکانات تباہ ہوگئے ہیں ۔اسرائیلی وحشیانہ بمباری کے نتیجے میں شہید ہونے والوں میں 17 فلسطینی بچے اور چار خواتین بھی شامل ہیں۔
یہ بھی پڑھیے
صیہونی فوج نے دو سالوں میں75 فلسطینی بچے شہید 5ہزار سے زائد معذور کردیئے
مقبوضہ فلسطین میں بچوں کے حقوق کے لئے کام کرنے والے ادارے ڈیفنس فار چلڈرن انٹرنیشنل (DCIP) کی رپورٹ کےمطابق رواں سال 2022 میں اسرائیلی دہشتگردی میں 36 فلسطینی بچوں کو شہید کیا گیا ، جن میں وہ 20 فلسطینی بچے بھی شامل ہیں جنہیں مقبوضہ مغربی کنارے میں اسرائیلی قابض فوج نے براہ راست گولیوں کا نشانہ بنایا.