غاصب فوج کے چھاپے، متعدد فلسطینی گرفتار

(روز نامہ قدس ۔آنلائن خبر رساں ادارہ ) صہیونی فورسز نے تلاشی کے نام پر فلسطینیوں کے گھر وں میں چھاپے مارے لوٹ مار کرتےہوئے مکینوں کو تشد د کا نشانہ بنایااور متعدد کو بغیر کسی جرم کے گرفتار کرلیا۔

تفصیلات کےمطابق  قابض صہیونی فورسز نے گذشتہ رات مقبوضہ مغربی کنارے کے مختلف علاقوں میں چھاپہ مار کارروائی کی ، العین پناہ گزین کیمپ سے آغازہونے والی کارروائی میں  قابض فورسز نے 6 کم سنوں سمیت 14 فلسطینیوں کو بغیر کسی جرم کے گرفتار کرکے نامعلوم مقامات پر منتقل کردیا ۔

صہیونی فورسز نے تلاشی کے  نام پر فلسطینیوں کے گھروں میں لوٹ مار کرتےہوئے مکینوں کو تشدد کانشانہ بنایا خواتین اور بزرگوں کوبھی نہیں بخشا گیا۔

یہ بھی پڑھیے

شیخ بسام السعدی کی گرفتاری اسرائیل کی سنگین غلطی ہے، اسرائیلی میڈیا

مقامی فلسطینی  کمیٹی کے سربراہ کا کہنا ہے کہ  اسرائیلی فورسز اپنے سنگین جرائم کو چھپانے کےلئے گرفتاریاں اور قتل غارت گری کا کھلے عام مظاہرہ کررہی ہے  تاہم  اسرائیلی جرائم فلسطینیوں کے حوصلوں کو پست کرنے میں ہمیشہ ہی ناکام رہے ہیں اور یہ اب بھی ناکام ہی رہیں گے۔