(روز نامہ قدس ۔آنلائن خبر رساں ادارہ ) ناجائز یہودی بستی پہلے سے تعمیر کردہ دو غیر قانونی یہودی بستیوں “تسور “ اور “رمات” کے درمیان تعمیر کی جائے گی۔
غاصب صہیونی ریاست اسرائیل کی وزارت برائے ہاؤ سنگ اینڈ ڈیولپمنٹ نے گذشتہ روز مقبوضہ بیت المقدس کے مشرق میں ایک نئی غیر قانونی صہیونی بستی کی تعمیر کی منظوری دی ہے جس میں صہیونی آبادکاروں کے لئے ڈیڑھ ہزار کے قریب گھروں کی تعمیر کی جائے گی۔
ناجائز یہودی بستی پہلے سے تعمیر کردہ دو غیرقانونی یہودی بستیوں “تسور “ اور “رمات” کے درمیان تعمیر کی جائے گی، اسرائیلی میڈیا کا کہنا ہے کہ یہ منصوبہ پہلےسے طے شدہ تھا تاہم امریکی صدر جوبائیڈن کے دورہ مشرقی وسطیٰ کے باعث رہائشی یونٹس کی تعمیرکا منصوبہ مؤخر کیا گیا تھا۔
اسرائیلی میڈیا کا مزید کہنا تھا کہ اس منصوبے کے ساتھ ساتھ جفعات شاکید اور بیت صفافا کے قریب نئی ناجائز یہودی بستیوں کی تعمیرکا فیصلہ بھی کیا گیا تھا جس کو امریکی صدر کے دورے کی وجہ سے مؤخر کیا گیا تھا۔