صہیونی درندوں کےہاتھوں ایک اور فلسطینی شہید

(روزنامہ قدس ۔آن لائن خبر رساں ادارہ)صہیونی فوج نے سینکڑوں فلسطینوکں کی احتجاجی ریلی کو دبانے کیلیے ان پر اندھا ددھند فائرنگ کردی جس کے نتیجے میں متعدد افراد زخمی جبکہ1 نوجوان سینے میں گولی لگنے سے شہد ہوگیا۔

مقامی خبر رساں ایجنسی کے مطابق گذشتہ روز قابض صہیونی فوج نے مقبوضہ مغربی کنا رے میں صہیونی غیر قانونی بستیوں کی توسیع کے خلاف احتجاج کرنے والے مظاہرین پر گولیاں چلادیں جس کے نتیجے میں مظاہرے میں شریک المغیر قصبے کے ایک 16سالہ فلسطینی نوجوان امجد ابو عالیہ کو شدید زخمی کر دیا جو بعد ازاں ہسپتال منتقلی کے دوران زخموں کی تاب نہ لاتے ہوئے شہید ہو گیا۔

یہ بھی پڑھیے

قابض صہیونی فوج نے 2 فلسطینیوں کو شہید کردیا

فلسطینی وزارت صحت کی جانب سےجاری کیے گئے تصدیقی بیان کے مطابق صہیونی فورسز نے اسرائیلی غیر قانونی آبادکاری کے خلاف سینکڑوں فلسطینوبں کی احتجاجی ریلی کو دبانے کی کوشش کی اور دونوں جانب سے جھڑپوں کا آغاز ہوا جس کے نتیجے میں صہیونی فوج نے فائرنگ کرکے درجنوں شہریوں کو زخمی کردیا جبکہ ایک نوجوان کے سینے میں گولی لگی جس کے باعث ان کی شہادت ہوئی۔

واضح رہے کہ مقبوضہ فلسطینی علاقوں میں صہیونی فوج نے اپنی پر تشدد کارروائیاں تیز کر دی ہیں اور یہ حالیہ دنوں میں اسی نوعیت کا دوسرا واقعہ ہےجب علی الصبح صہیونی فوج نے بغیر کسی جرم کے گھروں میں داخل ہو کر 2 دو نہتے فلسطینیوں کو گولیاں مار کر شہید کر دیا تھااور واقعے کو مسلح مزاحمت کاروں کے ساتھ ایک مقابلے کا نام دیا تھا۔