(روزنامہ قدس ۔آن لائن خبر رساں ادارہ) فلسطینی صحافی کی رہائی کی خوشی میں جیل کے دروازے پر جمع ہونے والے فلسطینیوں میں ان کے خاندان اور عزیزوں کے ساتھ اہل علاقہ بھی شریک تھے جب صحافی نے چند ماہ کے اپنے بیٹے کو پہلی مرتبہ گلے لگایا۔
ذرائع کے مطابق گذشتہ روز قابض صہیونی ریاست اسرائیل میں صہیونی فوج کی عدالت میں شہریوں پر ڈھائے جانے والے مظالم کو دنیا تک پہنچانے کی پاداش میں گرفتار کیے گئے فلسطینی صحافی ایمن قوارق کو باآخر 6 ماہ کی سزا کے بعد رہائی کی نوید سنادی گئی۔
فلسطینی صحافی نے 6 ماہ تک صہیونی جیلوں میں انتظامیہ کی جانب سے وحشیانہ تشدد اور اپنے خاندان سے ملاقات پر پابندی جیسی دیگر صعوبتیں برداشت کیں اور انہیں بغیر کسی وجہ کے کئی کئی دنوں کیلیے دوسرے قیدیوں سے الگ تھلگ رکھاجاتا تھا۔
اسرائیلی عدالت کے فیصلے کے بعد فلسطینی صحافی کی رہائی کی خوشی میں جیل کے دروازے پر جمع ہونے والے فلسطینیوں میں ان کے خاندان اور عزیزوں کے ساتھ اہل علاقہ بھی شریک تھے جب ایمن قوارق نے چند ماہ کے اپنے بیٹے سے پہلی مرتبہ ملاقات کی اور اسے گلے لگایاجس کے ساتھ ہی ہجوم نے فلسطین کی آزادی کے لیے نعرے لگائے بعد ازاں فلسطینی صحافی ایمن قوارق کو ایک جلوس کی صورت میں ان کے گھر تک پہنچایا۔