(روزنامہ قدس ۔آن لائن خبر رساں ادارہ) زخمی فلسطینی ماہی گیروں کو طبی امداد کیلیے دیگر علاقہ مکینوں نے ہسپتال منتقل کر دیا ہے جہاں ان کی حالت خطرے سے باہر بتائی جاتی ہے۔
مقامی ذرائع سے موصولہ اطلاعات کے مطابق گذشتہ روز مقبوضہ فلسطین کے محصور علاقے غزہ کے شمالی حصے میں قابض صہیونی فوج نے فلسطینی مچھیروں کو مچھلیوں کے شکار سے روکنے کیلیے براہ راست فائرنگ کر دی جس کے نتیجے میں 5 ماہی گیر زخمی ہو گئے۔
اسرائیلی بحریہ نے فلسطینی ماہی گیروں پر مشین گن اورآنسو گیس سے حملہ کیا اور اس کے علاوہ آنسوگیس کی شیلنگ کی جبکہ ماہی گیری کی کشتیوں کا تعاقب کرتے ہوئے انہیں سمندر چھوڑنے پر مجبور کر دیا البتہ زخمی ہونے والے ماہی گیروں کو طبی امداد کیلیے دیگر علاقہ مکینوں نے ہسپتال منتقل کر دیا ہے جہاں ان کی حالت خطرے سے باہر بتائی جاتی ہے۔
یاد رہے کہ قابض اسرائیلی بحریہ کی جانب سے رواں ہفتے 5 مرتبہ فلسطینی ماہی گیروں کے کام کو محدود کرنے کیلیے فائرنگ اور اس طرح کی دیگر کارروائیاں کیہ جا رہی ہیں اور انہیں مزید 6 سے 12 سمندری میل کے علاقے میں ماہی گیری تک محدود کر دیا ہے۔