(روزنامہ قدس ۔آن لائن خبر رساں ادارہ)اسماعیل ہنیہ کا کہنا تھا کہ ہم مزاحمت اس وقت تک جاری رکھیں گے کہ جب تک قابض دشمن کو شکست نہیں ہوجاتی اور ہمارے پناہ گزین ہم وطن بھائی واپس اپنے علاقوں میں آباد نہیں ہوجاتے۔
مقبوضہ فلسطین میں صہیونی ریاستی دہشت گردی کے خلاف برسر پیکار اسلامی تحریک مزاحمت حماس کے سیاسی شعبے کے سربراہ اسماعیل ہنیہ کے جاری کردہ بیان کے مطابق امریکی صدر کی خطے میں آمد اسرائیل کے تحفظ کی کوشش ہے جو ہر صورت ناک ہوگی۔
یہ بھی پڑھیے
بائیڈن کا صہیونی ریاست اور خطے کا دورہ طرناک ہے، حماس
اسماعیل ہنیہ نےاپنے جاری بیان میں کہا کہ بعض عرب حکومتوں کے ساتھ اتحاد کے ذریعے اسرائیل کو تحفظ فراہم کرنے کی کوشش ناکام ہو جائے گی، کیونکہ یہ اقدام عرب اقوام کی مرضی کے خلاف ہے اور اس خطے کا ثقافتی اور فکری ورثہ اس کو قبول نہیں کرے گا۔
انہوں نےکہا کہ فلسطینی عوام دوبارہ وہم اور مذاکرات کے سراب کے جال میں نہیں پھنسیں گےجس کے وجہ سے حقیقت میں مسئلہ فلسطین بنیادی طور پر متاثر ہوا ہے اورہمارا انتخاب جامع مزاحمت ہے جسے ہم جاری رکھیں گے۔
ان کا کہنا تھا کہ ہم مزاحمت اس وقت تک جاری رکھیں گے کہ جب تک قابض دشمن کو شکست نہیں ہوجاتی اور ہمارے پناہ گزین ہم وطن بھائی واپس اپنے علاقوں میں آباد نہیں ہوجاتے۔
یاد رہے کہ اس وقت امریکی صدر جوبائیڈن مشرق وسطیٰ کے دورے پرہیں جہاں انہوں نےقابض اسرائیل کے حکام سے ملاقات کی اور آج صدر جوبائیڈن غرب اردن میں فلسطینی اتھارٹی کے ہیڈ کواٹر کا بھی دورہ کریں گے جس کے بعد وہ سعودی عرب روانہ ہونگے ۔