(روزنامہ قدس ۔آن لائن خبر رساں ادارہ) صہیونی جیل انتظامیہ کی جان بوجھ کرمعتز عبید کے ساتھ طبی غفلت برتنے کے باعث اسیر حالت خراب ہے اور اس نے 22 روز سے احتجاجی بھوک ہڑتال شروع کر رکھی ہےجبکہ فکری منصور 13 دن سےبھوک ہڑتال پر ہیں۔
مقامی ذرائع کے مطابق مقبوضہ فلسطین میں اسرائیل کی قائم کردہ غیر قانونی جیلوں میں انتظامیہ کی جانب سے فلسطینی قیدیوں سے ناروا سلوک اور انسانی حقوق کی پامالیوں کے خلاف 4 اسیراں نے احتجاجی طور پر علامتی بھوک ہڑتال جاری رکھی ہوئی ہےجن میں سنہ1948ء کے مقبوضہ فلسطینی علاقوں سے تعلق رکھنے والے فکری منصور کا احتجاج 13 ویں دن میں داخل جبکہ دیگر قیدیوں میں خلیل عواودہ، راید ریان اور معتز عبید شامل ہیں۔
یہ بھی پڑھیے
اسرائیلی عدالتوں کے خلاف فلسطینی اسیران کا احتجاج193 ویں روز بھی جاری
صہیونی جیل انتظامیہ کی جان بوجھ کرمعتز عبید کے ساتھ طبی غفلت برتنے کے باعث اسیر حالت خراب ہے اور اس نے 22 روز سے احتجاجی بھوک ہڑتال شروع کر رکھی ہےجبکہ فکری منصور 13 دن سےبھوک ہڑتال پر ہیں ۔
فکری منصور ایالون جیل میں اسرائیلی فوج داری مقدمات کا سامنا کرنے والے قیدیوں میں شامل ہیں اور انہیں قابض فوج نے سنہ 2005ء میں گرفتار کرنے کے بعد 17 سال قید کی سزا سنائی تھی، فکری منصور پر دوسری تحریک انتفاضہ کے دوران الخضیرہ مارکیٹ تک فدائی حملہ آورکو مدد پہنچانے کا الزام عائد کیا تھاتاہم اب ان کی قید کی مدت ختم ہونے کے باوجود صہیونی حکام فکری کو رہا کرنے میں ٹال مٹول سے کام لے رہے ہیں جس کے باعث فکری منصور کی بھوک ہڑتال جاری ہے ۔
دوسری جانب خلیل عوادہ جن کی طویل بھوک ہڑتال 133 ویں دن میں داخل ہو چکی ہے اور رائد ریان جنہوں نےاسرائیلی انتظامی حراست کی غیر قانونی پالیسی کے تحت اپنی گرفتاریوں کو مسترد کرتے ہوئے رہائی کے احکامات جاری کیے جانے تک احتجاجی بھوک ہڑتال جاری رکھنے کا اعلان کیا ہے۔