(روزنامہ قدس ۔آن لائن خبر رساں ادارہ) کرسچن بینیڈکٹ نے بتایا کہ اسرائیلی نسل پرستی کے سخت نظام کو ختم کرنے میں مدد کرنے کے لیے ہماری مہم نے نسل پرستی اور امتیازی سلوک کی مخالفت کرنے والے لوگوں کی طرف سے بہترین ردعمل دیکھا ہے۔
تفصیلات کے مطابق انسانی حقوق کی عالمی تنظیم ایمنسٹی انٹرنیشنل یو کےکی جانب سے اسرائیلی نسل پرستانہ پالیسی کیخلاف ایک نئی مہم کا اعلان کیاگیا ہے جس میں فلسطینیوں کے خلاف اسرائیلی نسل پرستی کے خاتمے کا مطالبہ ٹی شرٹس، بریفنگ اور دیگر تجارتی سامان کے ذریعے کیا جائے گا۔
ایمنسٹی انٹرنیشنل برطانیہ کے مہم مینیجر برائے اسرائیل/ فلسطین اور شام کے کرسچن بینیڈکٹ نےسماجی رابطوں کی ویب سائٹ ٹویٹر پر اپنے پیغام ‘‘اسرائیلی نسل پرستی کو روکو’’ کے عنوان میں کہاہے کہ عالمی مہم #EndIsraeliApartheid کی حمایت میں نئی ایمنسٹی یو کے ٹی شرٹس، بریفنگ اور دیگر تجارتی سامان مزید جلد آرہا ہے۔
ایمنسٹی انٹرنیشنل یو کے میں کرائسز ریسپانس پروگرام کے ڈائریکٹر بینیڈکٹ نے عبرانی اخبار دی یروشلم پوسٹ کو بتایا کہ فلسطینیوں کے خلاف اسرائیل کے نسل پرستی کے سخت نظام کو ختم کرنے میں مدد کرنے کے لیے ہماری مہم نے نسل پرستی اور امتیازی سلوک کی مخالفت کرنے والے لوگوں کی طرف سے بہترین ردعمل دیکھا ہےاور ہم توقع کرتے ہیں کہ صہیونی نسل پرستی کے خاتمے کی مہم کی ٹی شرٹس اور دیگر مصنوعات مقبول ہوں گی۔