(روز نامہ قدس ۔آنلائن خبر رساں ادارہ ) شہداء میں سے 9 افراد کو جعلی مقابلوں میں یا زیر حراست شہید کیا گیا ہے جبکہ سیاسی کارکنوں سمیت 104 شہریوں کو گرفتار کیا جن میں سے زیادہ تر پر کالے قوانین پبلک سیفٹی ایکٹ اور یو اے پی اے لاگو کیے گئے۔
کشمیر میڈیا سروس کے شعبہ تحقیق کی طرف سے جاری کردہ اعداد و شمار کے مطابق بھارت کے غیر قانونی زیر قبضہ جموں و کشمیر میں بھارتی فوجیوں نے اپنی ریاستی دہشت گردی کی جاری کارروائیوں کے دوران گزشتہ ماہ جون میں 35 کشمیریوں کو شہید کیا ہے۔
یہ بھی پڑھیے
مقبوضہ کشمیر میں ایک ماہ میں 16 کشمیری شہید، رپورٹ
شہیدامیں سے 9 افراد کو جعلی مقابلوں میں یا زیر حراست شہید کیا گیا جس کے نتیجے میں دو خواتین بیوہ جبکہ چھ بچے یتیم ہو گئے ہیں، بھارتی فوجیوں اور پولیس اہلکارں کی طرف سے اس عرصے کے دوران پر امن مظاہروں پر طاقت کے وحشیانہ استعمال کے نتیجے میں کم از کم تین افراد زخمی بھی ہوئے ہیں۔
بھارتی فورسز نے گزشتہ ماہ نوجوانوں اور سیاسی کارکنوں سمیت 104 شہریوں کو گرفتار کیا جن میں سے زیادہ تر پر کالے قوانین پبلک سیفٹی ایکٹ اور یو اے پی اے لاگو کیے گئے۔