(روزنامہ قدس ۔آن لائن خبر رساں ادارہ) چینی مندوب نے فلسطینی علاقوں میں اسرائیل کی ناجائز یہودی بستیوں کی توسیع کو غیر قانونی قرار دیتے ہوئے کہا کہ اسرائیل کا یہ اقدام ہر لحاظ سے تشویشناک ہے۔ ”
عالمی ذرائع کے مطابق اقوام متحدہ میں چین کے مستقل مندوب زانگ جون کی جانب سے مشرق وسطی پر سلامتی کونسل کی ایک بریفنگ کے دوران فلسطین میں اسرائیلی ظلم و جبر کی مذمت کی گئی اور حالیہ واقعات میں فلسطینی خاتون صحافی شیریں ابو عاقلہ کی اسرائیلی فوج کے ہاتھوں شہادت کی حقیقی معنی میں تحقیقات کا مطالبہ کیا۔
اقوام متحدہ میں مسئلہ فلسطین پربحث کرتے ہوئے چینی مندوب نے فلسطینی علاقوں میں اسرائیل کی ناجائز یہودی بستیوں کی توسیع کو غیر قانونی قرار دیتے ہوئے کہا کہ ‘یہ فلسطینیوں کی زمین اور علاقوں کے خلاف تجاوازت پر مبنی ہیں جس کے نتیجے میں فلسطینی قدرتی وسائل بھی متاثر ہو رہے ہیں اور فلسطینیوں کا حق خود ارادیت بھی جو ہر لحاظ سے تشویشناک ہے۔ ”
زانگ جون نے بین الاقوامی برادری سےپرزور مطالبہ کیا کہ وہ ایسے اقدامات کرے کہ جن سے مسئلہ فلسطین کو اس کے راستے سے نہ ہٹایا جا سکے اور یہ اپنے مسلمہ حل کی طرف بڑھ سکے۔”