(روز نامہ قدس ۔آنلائن خبر رساں ادارہ ) ہزاروں کی تعدا میں شریک مشتعل افراد نے صہیونی فوجیوں کے ہاتھوں شہید فلسطینیوں کے جنازے میں شرکت کی اور قابض فوجیوں کے خلاف نعرے بازی کرتےہوئے ہر سطح پر قابض ریاست کے خلاف جدوجہد کا اعلان کیا۔
فلسطینی میڈیا ذرائع کے مطابق گذشتہ روز ہزاروں فلسطینیوں نے مقبوضہ بیت المقدس کے شہر جنین میں صہیونی فوج کے ہاتھوں شہید ہونے والے تین فلسطینی 23 سالہ یوسف صلاح ، 24 سالہ بارھلاوہ اور 24 سالہ لیث ابو سرور جن کو گذشتہ روز اسرائیلی فوج نے فائرنگ کرکے شہید کردیا تھا کے جنازے میں شرکت کی۔
یہ بھی پڑھیے
صہیونی فوج کی فائرنگ سے نابلس میں ایک فلسطینی زخمی
مقامی ذرائع نے اطلاع دی ہے کہ 30 کے قریب اسرائیلی فوجی گاڑیوں نے دوپہر 2 بجے جنین شہر کے علاقے المرہ میں پر چھاپہ مارا اور ایک گاڑی کو گھیر لیا اور اندر بیٹھے تین نوجوانوں پر اندھا دھند فائرنگ کی جس کے نیتجے میں تینوں نوجوان شہید ہوگئے ۔