(روزنامہ قدس ۔آن لائن خبر رساں ادارہ) فلسطینی وزارت صحت کے مطابق گذشتہ 24 گھنٹوں سے بھی کم وقت میں اب تک اسرائیلی فوج کی گولیوں سے شہید فلسطینیوں کی تعداد پانچ ہو گئی ہے۔
تفصیلا ت کے مطابق مقبوضہ فلسطین میں قابض صہیونی فورسز کی ریاستی دہشت گردی کا سلسلہ تاحال نہ رک سکاجس کے نتیجے میں ایک اور بے گناہ 17 فلسطینی بچہ سینے قابض فوج کی گولی لگنے سے شہید ہو گیا۔
اسرائیلی غاصبوں نے رام اللہ کے مغرب میں دیوار علیحدگی کے قریب واقع المدیا قصبے پر دھاوا بولا اور بلاجواز فائرنگ کردی جس کا نشانہ بن کر 17 سالہ اودہ محمد عودہ بری طرح زخمی ہو گیا جسے اپنی مدد آپ کے تحت فلسطینی علاقہ مکینوں نے فوری طور پر فلسطین میڈیکل کمپلیکس پہنچایا جہاں ڈاکٹروں کی کوشش کے باوجود بچے کی جان نہیں بچائی جاسکی اور وہ خالق حقیقی سے جاملا۔
فلسطینی وزارت صحت کی جانب سےجاری بیان میں تصدیق کی ہے کہ المدیا قصبے کے رہائشی اودہ محمد کو صہیونی فوج نے بغیر کسی وجہ کے سینے میں گولی ماری، گولی نزدیک سے لگنے کے باعث بچے کی موت واقع ہوئی جس کے بعد اب تک 24 گھنٹوں سے بھی کم وقت میں اسرائیلی گولیوں سے شہید فلسطینیوں کی تعداد پانچ ہو گئی ہے۔