(روزنامہ قدس ۔آن لائن خبر رساں ادارہ) اسرائیل نے حسن سید خدائی پر یہ الزام عائد کیا تھا کہ وہ دنیا بھر میں اسرائیلی شہریوں پر مسلح حملوں کی مبینہ منصوبہ بندی میں شامل رہے ہیں اور اب ان کے بہیمانہ قتل کے بعد ایران نے اس قتل کا ذمے دار اسرائیل کو ٹھرایا ہے۔
ذرائع کے مطابق ایران میں پاسدارن انقلاب کے ایک اعلیٰ عسکری عہدیدار حسن سید خدائی پر موٹر سائیکل سوار وں کے قاتلانہ حملے کے نتیجےمیں شہادت کے واقعے کے بعد قابض صہیونی ریاست اسرائیل کے حکام کی جانب سے ہر سال سیر وسیاحت کیلیے ترکی پہنچنے والے صہیونی شہریوں کو ترکی نہ جانے کی ہدایات جاری کردی گئیں، ایرانی پاسدارانِ انقلاب کےکرنل حسن سید خدائی پر جس وقت قاتلانہ حملہ کیا گیا وہ اکیلے اپنی گاڑی میں سوار کہیں جارہے تھے۔
اسرائیلی حکومت نےاپنے شہریوں کو ہدایت کی کہ وہ ترکی کے سفر سے پرہیز کریں، جو اسرائیلی سیاحوں کی ایک پسندیدہ تعطیلاتی مقام ہےاورتنبیہ کی ہے کہ ایران کی جانب سے انتقامی کارروائی کی صورت میں اسرائیلیوں کو خطرات ہیں۔
واضح رہے کہ اسرائیل نے حسن سید خدائی پر یہ الزام عائد کیا تھا کہ وہ دنیا بھر میں اسرائیلی شہریوں پر مسلح حملوں کی مبینہ منصوبہ بندی میں شامل رہے ہیں اور اب ان کے بہیمانہ قتل کے بعد ایران نے سید خدائی کے قتل کا ذمے دار اسرائیل کو ٹھہراتے ہوئے کہا ہے کہ ایران اس قتل کا بدلہ ضرور لے گا۔