(روزنامہ قدس ۔آن لائن خبر رساں ادارہ) اسرائیلی قبضے کے خلاف فلسطین حامی جماعتوں نے عراقی پارلیمان کے اسرائیل مخالف فیصلے کو سراہتے ہوئے دیگر منتخب ایوانوں سے بھی ایسے ہی قانون پاس کر نے کی ضرورت پر زور دیا ہے۔
مقبوضہ فلسطین میں صہیونی ریاستی دہشت گردیکے خلاف برسر پیکار اسلامی تحریک مزاحمت حماس کی جانب سے عراقی پارلیمانی قانون کے تحت اسرائیل کے ساتھ کسی بھی قسم کے تعلقات استوار کر نے کو جرم قرار دیے جانے کے فیصلے بھر پور طریقے سےسراہتے ہوئے کہا ہے کہ عراق اور اس کے عوام کا فلسطینی بہن بھائیوں اور اس سرزمین سےتاریخی تعلق ان کی محبت کو واضح کرتا ہے اور ایک بار پھر عراق کا فلسطین کے حق مؤقف کا کھل کر اظہار ہے۔
دوسری جانب ترکی میں بھی القدس نواز پارلیمنٹرین اتحاد نے استنبول سے اپنے مرکزی دفتر سے جاری ایک بیان میں عراقی حکومت کی جانب سے اسرائیل سے تعلقات نارملائزیشن کو جرم قرار دینے کے فیصلے کا کیر مقدم کیا ہے ۔
پارلیمنٹرین فار القدس نے دیگر ملکوں کے منتخب ایوانوں سے بھی ایسا ہی فیصلے اور قانون پاس کرنے کی ضرورت پر زور دیا ہے تاکہ قابض اسرائیلی حکومت کو بین الاقوامی قانون، انسانی اور فلسطینیوں کے حقوق پر اس کا محاسبہ کیا جا سکے۔