(روزنامہ قدس ۔آن لائن خبر رساں ادارہ) بھارتی فورسز اسلحہ کی بنیاد پر ان مظاہروں کو دبانے کی ناکام کوشش کر رہی ہے اور مظاہرین سمیت پورے پورے علاقوں میں پر تشدد سرچ آپریشن کے نام پر بھارتی دہشت گردی جاری ہےجس کے باعث صرف2 دنوں میں قابض فورسز نے 6 کشمیریوں کو شہید کیا۔
تفصیلات کے مطابق گذشتہ روز مقبوضہ جموں و کشمیرکے علاقے کپواڑہ میں قابض بھارتی فوجیوں نے نام نہاد سرچ آپریشن کی آڑ مین گھر گھر تلاشی کی مہم شروع کی اور علاقہ مکینوں کو ہراساں کر نے کے لیے اندھا دھند فائرنگ کرکے 3نہتے کشمیری نوجوانوں کوشہید کردیا۔
کشمیر میڈیا سروس کے مطابق مسلح بھارتی فوجیوں نے کپواڑہ کے داخلی اور خارجی راستوں کی ناکہ بندی کی اور پورے علاقےمیں موبائل اورانٹرنیٹ سروس بند کر کے محاصرے میں شہریوں کو گھروں سے نکال کر تشدد کا نشانہ بنایا اور متعدد افراد کوگرفتارکرکے لے گئے۔
کشمیر میڈیا سروس کے مطابق وادی کشمیر میں مختلف علاقوں میں حریت رہنما یاسین ملک کی سزا کے خلاف مظاہرے جاری ہیں جنہیں روکنے کے لیے قابض بھارتی فورسز اسلحہ کی بنیاد پر ان مظاہروں کو دبانے کی ناکام کوشش کر رہی ہے اور مظاہرین سمیت پورے پورے علاقوں میں پر تشدد سرچ آپریشن کے نام پر بھارتی دہشت گردی جاری ہےجس کے باعث صرف دو دنوں میں قابض فورسز نے 6 کشمیری نوجوانوں کو شہید کردیا ہے۔