القسام بریگیڈز کا مشرقی غزہ میں صہیونی کمانڈ سینٹر پر حملہ

(روزنامہ قدس ـ آنلائن خبر رساں ادارہ) اسلامی تحریکِ مزاحمت حماس کے عسکری ونگ القسام بریگیڈز نے اعلان کیا ہے کہ اس نے اتوار کی شب مشرقی غزہ میں قابض اسرائیلی فوج کے ایک کمانڈ سینٹر کو مارٹر گولوں سے نشانہ بنایا ہے۔

ایک بیان میں القسام بریگیڈز نے تصدیق کی کہ یہ کارروائی مشرقی غزہ کے التفاح محلے میں واقع الہاشمیہ اسکول کے قریب کی گئی جہاں قابض سفاک و ظالم اسرائیلی فوجیوں اور ان کی جنگی گاڑیوں کے ایک گروہ کو نشانہ بنایا گیا۔

یہ جوابی کارروائی ساتھ اکتوبر 2023 سے جاری قابض صہیونی حکومت کی وحشیانہ جارحیت کے خلاف مزاحمت کا حصہ ہے جس میں اب تک تقریباً دو لاکھ آٹھ ہزار فلسطینی شہید اور زخمی ہو چکے ہیں جن میں اکثریت بچوں اور خواتین کی ہے۔ اس جنگ کے دوران گیارہ ہزار سے زائد افراد لاپتہ ہیں، لاکھوں بے گھر ہو چکے ہیں اور پھیلتی ہوئی قحط سالی نے درجنوں جانیں لے لی ہیں۔ القسام بریگیڈز اور دیگر مزاحمتی قوتیں اس جارحیت کے خلاف مسلسل برسرِ پیکار ہیں۔