(روزنامہ قدس ـ آنلائن خبر رساں ادارہ) سفاک اسرائیل پر یمنی فوج کے کامیاب ڈرون حملے کے بعد حزام الاسدنے عبرانی زبان میں ایک پیغام سوشل میڈیا پر جاری کیا جس میں کہا گیا کہ ایلات اور ام الرشراش محفوظ نہیں پوری صہیونی ریاست غیر محفوظ ہے۔
یمنی فوج کے ترجمان یحییٰ سریع نے بتایا کہ دو ڈرونز کے ذریعے بندرگاہ ام الرشراش کو نشانہ بنایا گیا اور قابض اسرائیلی فضائی دفاع ان حملوں کو روکنے میں ناکام رہا۔
یہ چوبیس گھنٹوں میں قابض اسرائیل پر یمن کا دوسرا ڈرون حملہ تھا۔ صہیونی میڈیا کے مطابق اس حملے میں ایلات میں اڑتالیس افراد زخمی ہوئے جن میں سے دو کی حالت تشویشناک ہے۔
