یمن کا نیا میزائل حملہ، سفاک ریاست میں ہائی الرٹ جاری

(روزنامہ قدس ـ آنلائن خبر رساں ادارہ) یمنی فوج نے ایک بار پھر قابض اسرائیل پر میزائل حملہ کیا ہےجس کے بعد مقبوضہ فلسطین کے ساحلی شہر اشدود میں خطرے کے سائرن بجا دیے گئے۔

صہیونی میڈیا ذرائع نے حملے کی تصدیق کرتے ہوئے دعوی کیا ہے کہ یمن سے ایک بیلسٹک میزئل داغا گیا ہے۔

الجزیرہ ٹی وی کے مطابق اشدود کے مشرقی علاقوں میں اچانک میزائل حملے کے بعد شہریوں کو پناہ گاہوں میں منتقل ہونے کی ہدایات جاری کی گئیں۔

سفاک و ظالم فوج نے ابتدائی طور پر نقصان کی تفصیلات بتانے سے گریز کیا ہےتاہم حملے کے نتیجے میں معاشی سرگرمیاں متاثر ہوئی ہیں۔

یاد رہے کہ درندہ صفت صہیونی فوج کی جانب سے غزہ میں جاری حملوں کے بعد یمن کی مسلح افواج نے فلسطینی عوام سے اظہار یکجہتی کے طور پر غاصب ریاست پر میزائل حملے شروع کر رکھے ہیں۔ ان حملوں کے نتیجے میں صہیونی معیشت کو شدید دھچکا پہنچا ہے اور تجارتی سرگرمیاں مفلوج ہو کر رہ گئی ہیں۔