غرب اردن ( فلسطین نیوز۔مرکز اطلاعات) خود مختار فلسطینی انتظامیہ کے صدر محمود عباس نے فلسطینی عوام کے حوالے سے امریکی پالیسیوں پر کڑی نکتہ چینی کی ہے۔
فلسطین نیوز کو موصول ہونے والی اطلاعات کے مطابق خود مختار فلسطینی انتظامیہ کے صدر محمود عباس نے کل رات غرب اردن میں فرانس کے وزیر خارجہ جان لوڈریان سے ملاقات میں امریکہ اور صیہونی حکومت کو سازشی مذاکرات کو تعطل سے دوچار کرنے کا ذمہ دار قرار دیا۔محمود عباس کا کہنا تھا کہ امریکہ کی جانب سے قدس کو اسرائیل کے دارالحکومت کے طور پر تسلیم کرنے اور فلسطینی عوام کی امداد کو روکنے کی دھمکی کے بعد امریکا فلسطینیوں اور اسرائیل کے مابین سازشی مذاکرات میں غیر جانبدار ثالثی کا کردار ادا نہیں کر سکتا۔
خود مختار فلسطینی انتظامیہ کے صدر نے ایک بار پھر ایک آزاد فلسطینی مملکت کی تشکیل پر زور دیا کہ جس کا دارالحکومت قدس ہو۔