فلسطین نیوز کو موصول ہونے والی اطلاعات کے مطابق یوم الارض کے حوالے سے جلسے جلوسوں کا سلسلہ جاری ہے۔ کل سوموار کو مقبوضہ فلسطین کے سنہ 1948ء میں اسرائیلی قبضے میں چلے جانے والے علاقے یافا میں ہزاروں افراد نے اسرائیلی مظالم کی یاد میں ریلی نکالی۔ احتجاجی مظاہرے کا اہتمام سپریم عرب فالو اپ کمیٹی اور یافا کی دیگرمختلف تنظیموں کی جانب سے کیا گیا تھا۔
خیال رہے کہ 30 مارچ سنہ 1976ء کو انتہا پسند صیہونیوں اور اسرائیلی فوج نے مقبوضہ فلسطینی کے شہرالجلیل اور صحرائے نقب میں کم سے کم چھ فلسطینیوں کو شہید کرکے ان کی املاک قبضے میں لے لی تھیں۔ فلسطینی تیس مارچ سنہ 1976ء کے اس دن کو "یوم الارض” کے نام سے یاد کر تے ہیں۔
رپورٹ میں کہا گیا ہے کہ گذشتہ برس غرب اردن کی 59 صیہونی کالونیوں میں 6 ہزار 720 گھروں کی تعمیر شروع کی گئی۔ سال 2017ء کے دوران 2783 نئے مکانات مکمل کیے گئے۔ سنہ 2009ء میں بنجمن نیتن یاھو کے اسرائیلی وزیراعظم بننے کے بعد غرب اردن اور دوسرے فلسطینی علاقوں میں صیہونی توسیع پسندی میں کئی گنا اضافہ ہوا ہے۔