مقبوضہ بیت المقدس (فلسطین نیوز۔مرکز اطلاعات) فلسطین کے مقبوضہ بیت المقدس میں مسجد اقصیٰ میں صیہونی آباد کاروں کے دھاوے اور مقدس مقام کی مجرمانہ بے حرمتی کا سلسلہ جاری ہے۔ ایک رپورٹ کے مطابق مارچ کے مہینے میں 2133 صیہونی آباد کار مذہبی رسومات کی ادائیگی کی آڑ میں قبلہ اوّل میں داخل ہوئے اور مقدس مقام کی بے حرمتی کی۔
فلسطین نیوز کو موصول ہونے والی اطلاعات کے مطابق اسرائیلی فوجÂ نے مسجد الاقصیٰ میں مارچ میں سیکڑوںÂ صیہونی آباد کاروں نے اسرائیلی پولیس کی فول پروف سیکیورٹی میں نے قبلہ اوّل کی بے حرمتی کا ارتکاب کیا۔فلسطینی محکمہ اوقاف کی رپورٹ میں بتایا گیا ہے کہ گذشتہ دو روز کے دوران چھ سو صیہونی آباد کاروں نے مسجد اقصیٰ کی کھلے عام بے حرمتی کا ارتکاب کیا۔ مسجد اقصیٰ اور حرم قدسی کی بے حرمتی ایک ایسے وقت میں جاری ہے جب صیہونی اپنا سالانہ مذہبی تہوار’ایسٹر‘ منا رہے ہیں۔
عینی شاہدین نے بتایا کہ صیہونی آباد کاروں کی بڑی تعداد مراکشی دروازے کے راستے مسجد اقصیٰ میں داخل ہوئی۔ اس موقع پر اسرائیلی فوج اور پولیس کی بھاری نفری تعینات کی گئی تھی۔
ادھر القدس اسٹڈی سینٹر کی رپورٹ میں بتایا گیا ہے کہ وقت گذرنے کےساتھ ساتھ صیہونی آباد کاروں کے قبلہ اوّل پر دھاوؤں میں مسلسل اضافہ ہو رہا ہے۔ حال ہی میں صیہونیوں کے مذہبی تہوار ’ایسٹر‘ پر سیکڑوں صیہونی شرپسند قبلہ اوّل میں داخل ہوئے۔
القدس اسٹڈی سینٹر کے سربراہ عماد ابو عواد نے ایک بیان میں کہا کہ سال 2017ء میں 30 ہزار صیہونیوں نے قبلہ اوّل کی بے حرمتی کی۔ یہ تعداد سنہ 2016ء کے تناسب سے 100 فی صد زیادہ ہے۔ 2016ء میں 15000 صیہونی قبلہ اوّل کی بے حرمتی کے مرتکب ہوئے تھے۔