غزہ (فلسطین نیوز۔مرکز اطلاعات) فلسطین کے علاقے غزہ کی پٹی میں ’حق واپسی‘ کے لیے احتجاج‘ کرنے والے فلسطینیوں پر اسرائیلی فوج نے وحشیانہ فائرنگ اورآنسو گیس کی شیلنگ کی جس کے نتیجے میں 12 مظاہرین زخمی ہو گئے۔
فلسطین نیوز کو موصول ہونے والی اطلاعات کے مطابق غزہ میں وزارت صحت کے ترجمان ڈاکٹر اشرف القدرہ نے بتایا کہ اسرائیلی فوج کی فائرنگ اور آنسوگیس کی شیلنگ سے مشرقی جبالیا میں 4 فلسطینی شہری زخمی ہوئے جب کہ چھ فرد مشرقی غزہ میں مظاہروں کے دوران شیلنگ سے زخمی ہوئے۔مقامی طبی ذرائع کے مطابق جنوبی غزہ کے خان یونس شہر میں خزاعہ کے مقام پر اسرائیلی فوج کی فائرنگ سے دو فلسطینی زخمی ہوئے۔
خیال رہے کہ 30 مارچ 2018ء کو اسرائیلی فوج کی غزہ میں حق واپسی کے لیے احتجاج کرنے والے مظاہرین پر فائرنگ سے 31 فلسطینی شہید اور 3000 زخمی ہوچکے ہیں۔