رام اللہ ( فلسطین نیوز۔مرکز اطلاعات) فلسطین میں 42 ویں یوم الارض کے موقع پر فلسطین بھر میں ریلیاں اور احتجاجی مظاہرے جاری ہیں۔
فلسطین نیوز کو موصول ہونے والی اطلاعات کے مطابق کل جمعہ غزہ کی پٹی میں اسرائیل کی طرف مارچ کےÂ ساتھ ساتھ مقبوضہ مغربی کنارے کے تمام شہروں، قصبوں اور دیہات، مقبوضہ بیت المقدس، شمالی اور جنوبی فلسطین میں یوم الارض ریلیاں اور جلوس نکالے گئے۔رپورٹ کے مطابق جمعہ کے روز غرب اردن کے وسطی شہر رام اللہ، البیرہ، نابلس، الخلیل، بیت لحم، سلفیت، مقبوضہ بیت المقدس، سنہ1948ء کے مقبوضہ فلسطینی شہروں میںÂ یوم الارض ریلیاں نکالی گئیں۔
اسرائیلی فوج نے پُرامن فلسطینی مظاہرین پر طاقت کا وحشیانہ استعمال کیا جس کے نتیجے میں سیکڑوں فلسطینی زخمی ہوگئے۔
فلسطین بھر میں ہونے والے مظاہروں میں لاکھوں فلسطینیوں نے شرکت کی۔ مظاہرین نے اسرائیلی ریاست کے خلاف شدید نعرے بازی کی اور وحشیانہ تشدد ، دہشت گردی اور فلسطینی املاک پر قبضے کے خلاف شدید احتجاج کیا۔
مظاہرین نے اسرائیلی پرچم اور صیہونی حکام کے پتلے نذرآتش کیے۔ مظاہروں کا سلسلہ رات گئے جاری رہا۔ اسرائیلی فوج کے وحشیانہ تشدد کے استعمال سے زخمی ہونے والے کئی فلسطینی اسپتالوں میں منتقل کیے گئے ہیں۔