مقبوضہ کشمیر (فلسطین نیوز۔مرکز اطلاعات) مقبوضہ کشمیر میں تازہ بھارتی ریاستی دہشت گردی کے دوران یہ انکشاف ہوا ہے کہ بھارتی فوج نے نہتے کشمیری عوام کے خلاف اسرائیل سے خرید کردہ کیمیائی ہتھیاروں کا استعمال کیا ہے۔
فلسطین نیوز کو موصول ہونے والی اطلاعات کے مطابق ذرائع ابلاغ میں شائع ہونے والی خبروں میں کہا گیا ہے کہ بھارتی فوج نے رواں ہفتے کے دوران مقبوضہ کشمیر میں 20 سے زائد کشمیریوں کو مہلک ہتھیاروں کے حملوں سے شہید کیا۔ ذرائع کا کہنا ہے کہ بھارتی فوج نہتے اور پُرامن شہریوں کے گھروں پر دھاوے بولتی اور انہیں ہراساں کرتی ہے۔ احتجاج کرنے والے شہریوں پر اسرائیلی ساختہ کیمیائی ہتھیاروں سے حملے کیے جاتے ہیں۔خیال رہے کہ حالیہ ہفتے کے دوران مقبوضہ وادی کشمیر میں بھارتی فوج نے کریک ڈاؤن کے دوران کم سے کم بیس کشمیری شہریوں کو شہید کردیا تھا۔ جھڑپوں میں تین بھارتی فوجی بھی واصل جھنم ہوئے ہیں۔
بھارتی فوج کی طرف سے کشمیری عوام کے خلاف طاقت کا وحشیانہ استعمال ایک ایسے وقت میں کیا گیا ہے جب دوسری طرف فلسطین کے علاقے غزہ پٹی میں بھی اسرائیلی فوج نے تازہ بربریت میں بیس کے قریب فلسطینیوں کو شہید کردیا۔