جنین (فلسطین نیوز۔مرکز اطلاعات) اسرائیلی فوج نے فلسطین کے مقبوضہ مغربی کنارے کے جنین شہر کے نواحی علاقے برطعہ کا محاصرہ کرنے کے بعد گھر گھر تلاشی کا سلسلہ شروع کردیا ہے۔
فلسطین نیوز کو موصول ہونے والی اطلاعات کے مطابق اسرائیلی فوج کی جانب سے برطعہ کے مقام پر دھاوے اس لیے دھاوے بولے جا رہے ہیں کہ دو روز قبل اس علاقے سے تعلق رکھنے والے ایک فلسطینی نوجوان علاء یوسف قبہاء نے اپنی کار کی ٹکر سے دو اسرائیلی فوجی ہلاک اور دو کو زخمی کردیا تھا۔خیال رہے کہ سابق اسیر علاء یوسف قبہا نے جنین شہر سے تعلق رکھنے والے احمد جرار شہید کی شہادت کے 40 روز کے بعد ایک فدائی کارروائی میں دو اسرائیلی فوجیوں کو جنہم واصل کرتے ہوئے دو کو زخمی کردیا تھا۔
رپورٹ کے مطابق ایک سو سے زائد اسرائیلی فوجیوں نے برطعہ قصبے کا محاصرہ کیا اور گھر گھر تلاشی کا سلسلہ شروع کردیا۔ اسرائیلی فوج نے قصبے کے تمام داخلی اور خارجی راستے بند کردیے اور قصبے میں جانے آنے والے شہریوں کی جامہ تلاشی لی گئی۔
عینی شاہدین نے بتایا کہ اسرائیلی فوج نے برطعہ قصبے کے تیس سے زائد گھروں کی تلاشی لی۔ صیہونی فوج نے اسیر علاء کے والد، بھائیوں اوردیگر اقارب کے گھروں کی تلاشی لی جب کہ اس کے بھائی عصام کو حراست میں لیے لیا گیا ہے۔
تلاشی کے دوران اسرائیلی فوج نےÂ ایک سرکردہ فلسطینی شخسیت الحاج کمال عبد حسین قبھا، فضیل قبھا، منیر ناصر اور اس کے بھائی محمد اور نافع قبھا کے گھروں کے گھروں میں تلاشی کی آڑ میں لوٹ مار کی گئی۔