غزہ ( فلسطین نیوز۔مرکز اطلاعات ) اسرائیلی فوج نے فلسطین کے علاقے غزہ کی پٹی میں ایک گونگے اور بہرے فلسطینی بچے کو گولی ماردی جس کے نتیجے میں وہ شدید زخمی ہوگیا۔
فلسطین نیوز کو موصول ہونے والی اطلاعات کے مطابق یہ واقعہ جنوبی غزہ کے مشرقی خان یونس کے علاقے خزاعہ قصبے میں پیش آیا۔غزہ میں وزارت صحت کے ترجمان اشرف القدرہ نے بتایا کہ اسرائیلی فوجیوں نے ایک کم عمر فلسطینی بچے کے سرمیں گولی ماردی جس کے نتیجے میں بچہ شدید زخمی ہوگیا۔
رپورٹ کے مطابق زخمی بچے کو غزہ میں یورپی اسپتال منتقل کیا گیا جہاں اس کی حالت خطرے میں بتائی جاتی ہے۔