رام اللہ (فلسطین نیوز۔مرکز اطلاعات) اسرائیل کی ایک فوجی عدالت نے زیر حراست ایک فلسطینی طالبہ کو دو سال قید اور چھ ہزار شیکل جرمانہ کی سزا کا حکم دیا ہے۔
فلسطین نیوز کو موصول ہونے والی اطلاعات کے مطابق صیہونی ریاست کی عوفر نامی فوجی عدالت نے گذشتہ روز غرب اردن کی بیرزیت یونیورسٹی کی طالبہ استبرق التمیمی کے کیس کی سماعت کی۔ اس موقع پر طالبہ کو بھی پیش کیا گیا تھا۔فلسطینی اسیران میڈیا کی رپورٹ کے مطابق صیہونی ریاست کی فوجی عدالت نے طالبہ استبرق التمیمی کو دو سال قید اور چھ ہزار شیکل جرمانہ کی سزا سنائی۔
خیال رہے کہ استبرق کو اسرائیلی فوج نے 20 مارچ 2017ء کو رام اللہ میں بیرزیت یونیورسٹی کے ایک ہاسٹل سے گرفتارکیا تھا۔
استبرق پر صیہونی ریاست کے جرائم کو بے نقاب کرنے اور سوشل میڈیا پر سرگرم ہونے کا الزام عائد کیا گیا ہے۔ زیرحراست طالبہ یونیورسٹی میں ریڈیو اور ٹیلی ویژن کے شعبے کی میں تعلیم حاصل کررہی ہے۔ گرفتاری اور سزا کے نتیجے میں وہ اپنی تعلیمÂ جاری رکھنے میں بھی ناکام رہی ہے۔