بیت لحم (فلسطین نیوز۔مرکز اطلاعات) صیہونی عدالت نے زیرحراست ایک سرکردہ فلسطینی سماجی کارکن منذر عمیرہ کو چھ ماہ قید کی سزا کا حکم دیا ہے۔
فلسطین نیوز کو موصول ہونے والی اطلاعات کے مطابق منذر عمیرہ کا تعلق غرب اردن کے جنوبی شہر بیت لحم کے عایدہ کیمپ سے ہے۔رپورٹ کے مطابق 46 سالہ منذر عمیرہ ایک سرکردہ سماجی کارکن ہیں۔ انہیں چھ ماہ قید اور بھاری جرمانے کی سزا سنائی گئی ہے۔
خیال رہے کہ عمیرہ کو بیت المقدس کے دفاع کی سرگرمیوں میں حصہ لینے کی پاداش میں گذشتہ برس دسمبر میں حراست میں لیا گیا تھا۔
منذر عمیرہ پر صیہونی حکام کی طرف سے 12 الزمات عائد کیے گئے تھے۔