مقبوضہ بیت المقدس ( فلسطین نیوز۔مرکز اطلاعات) گذشتہ روز صیہونی آباد کاروں کے ہمراہ اسرائیلی پولیس کی فول پروف سیکیورٹی میں سینیگالی وزیرخارجہ بھی اعلیٰ اختیاراتی وفد کے ہمراہ مسجد اقصیٰ میں داخل ہوئے اور مقدس مقام کی بے حرمتی کاارتکاب کیا۔
فلسطین نیوز کو موصول ہونے والی اطلاعات کے مطابق بدھ کو دسیوں صیہونی آباد کاروں کےہمراہÂ سینیگالی وزیرخارجہ نے مسجد اقصیٰ میں گھس کر مذہبی رسومات ادا کیں۔ اس موقع پر صیہونی آباد کاروں نے اسرائیلی پرچموں والے کپڑے پہن رکھے تھے۔ صیہونی آباد کار اور سینیگالی وفد مسجد اقصیٰ کے مراکشی دروازے سے قبلہ اوّل میں داخل ہوئے۔اس موقع پر اسرائیلی پولیس کی بھاری نفری اور متعدد صہیونی فوٹو جرنلسٹ بھی ان کے ہمراہ تھے۔ صیہونی آباد کاروں نے سینگالی وزیرخارجہ کے ساتھ مسجد اقصیٰ میں یادگاری تصاویر بھی بنوائیں۔
اس موقع پر قبلہ اوّل کے محافظوں اور صیہونی آباد کاروں کے درمیان کشیدگی بھی پیدا ہوئی تاہم اسرائیلی پولیس نے صیہونیوں کو فول پروف سیکیورٹی فراہم کر رکھی تھی۔