(فلسطین نیوز۔مرکز اطلاعات) اسرائیلی فوج کے قبضے میں قریباً ایک سال تک رہنے والے شہید فلسطینی نوجوان کے جسد خاکی کو گذشتہ روز سپرد خاک کیا گیا۔
فلسطین نیوز کو موصول ہونے والی اطلاعات کے مطابق شہید فلسطینی ابو غزالہ کا جسد خاکی منگل کے روز اس کے ورثاء کے حوالے کیا گیا تھا۔ جس کے بعد ورثاء نے مختصر نماز جنازہ کے بعد شہید کو باب الساھرہ کے قبرستان میں سپردک خاک کر دیا۔ شہید کی نماز جنازہ میں صرف 25 فلسطینیوں کو شرکت کی اجازت دی گئی تھی۔عینی شاہدین کا کہنا ہے کہ شہید کو سپرد خاک کرنے سے قبل اسرائیلی فوج نے اس کے اہل خانہ کو دباؤ میں رکھنے کے لیے گھر کا گھیراؤکر لیا تھا۔ سیکیورٹی کی آڑ میں قبرستان اور شہید کے گھر کے آس پاس فوج اور پولیس کی بھاری نفرتی تعینات کی گئی تھی۔
قبل ازیں صہیونی فوج نے شہید ابو غزالہ کے اہل خانہ پر یہ شرط عائد کی تھی کہ وہ بیس سے پچیس افراد سے زیادہ لوگوں کو نماز جنازہ میں شریک نہیں کریں گے۔ ورنہ انہیں 25 ہزار شیکل جرمانہ کی سزا دی جائے گی۔
خیال رہے کہ 19 سالہ ثائر ابو غزالہ کو صہیونی فوج نے 8 ستمبر 2015ء کو گولیاں مار کر شہید کر دیا تھا۔ شہید پر الزام تھا کہ اس نے چاقو کے حملے میں چار یہودیوں کو زخمی کر دیا تھا۔