الخلیل (فلسطین نیوز۔مرکز اطلاعات) اسرائیلی فوج نے فلسطین کے مقبوضہ مغربی کنارے کے جنوبی شہر الخلیل میں ایک کارروائی کے دوران نہتے فلسطینی خاندان کو اس کے گھر میں گھس کر وحشیانہ تشدد کا نشانہ بنایا۔
فلسطین نیوز کو موصول ہونے والی اطلاعات کے مطابق اسرائیلی فوج نے پرانے الخلیل میں صاحبر احمد عبد طہ کے گھر میں گھس کر خواتین اور بچوں کو وحشیانہ تشدد کا نشانہ بنایا۔اسرائیلی فوج نے نہ صرف صابر طہ کے اہل خانہ پر تشدد کیا بلکہ اس کے ایک بیٹے کو حراست میں لے لیا۔
اسرائیلی فوج نے گھر میں گھسÂ بجلی کا سامان، فرنیچر اور دیگر قیمتی سامان کی توڑپھوڑ کی اور غذائی سامان زمین پر گرا دیا۔ اس موقع پر ایک عمر رسیدہ خاتون نے اسرائیلی درندوں کو روکنے کی کوشش کی تو اسے اٹھا کر زمین پر دے مارا۔
اسرائیلی فوج نے دیگر افراد کو بھی تشدد کا نشانہ بنایا اور صابر کو حراست میں لینے کے بعد نامعلوم مقام پر منتقل کردیا۔