فلسطین نیوز کو موصول ہونے والی اطلاعات کے مطابق محمد ابو طیر نے ایک بیان میں کہا کہ فلسطینی قوم کا یوم الارض پر گھروں سے نکلنا سازشوں کے منہ پر طمانچہ ہے۔ یوم الارض پر فلسطینیوں نے اپنی جانوں کی قربانی دے کر صدی کی ڈیل کو ناکام بنانے کا عزم کیا اور قضیہ فلسطین کے تصفیے کی تمام امریکی۔ صیہونی سازشیں ناکام بنا دی ہیں۔
انہوں نے کہا کہ جمعہ کے روز فلسطینی قوم نے یوم الارض کے موقع پر ریلیوں میں شرکت کرکے ظلم کےخلاف اور اپنے حقوق کے لیے جدو جہد جاری رکھنے کے عزم کا یقین دلایا ہے۔
جس جرات کے ساتھ لاکھوں فلسطینیوں نے ارض وطن کے دفاع کے لیے ریلیوں میں شرکت کی ہے وہ قابل تحسین اور قابل قدر ہے۔
محمد ابو طیر کا کہنا تھا کہ امریکا اور اسرائیلی ریاست سمیت بعض قوتیں فلسطینی قوم کے بنیادی حقوق کا استحصال کرنا چاہتی ہیں۔ فلسطینی قوم کے یوم الارض کے موقع پر گھروں سے نکل کر صدی کی ڈیل جیسی سازشوں کے خلاف اپنا فیصلہ دیا اور سازشیوں کے منہ پر تھپر رسید کیا ہے۔