مقبوضہ بیت المقدس (فلسطین نیوز۔مرکز اطلاعات) اسرائیلی حکومت نے فلسطین کے مقبوضہ بیت المقدس میں قائم ’نوف زھاؤ‘ صیہونی کالونی میں توسیع کا ایک نیا منصوبہ تیار کیا ہے۔ اسرائیلی ذرائع ابلاغ میں اس منصوبے کو ’توسیعی پروجیکٹ نمبر 365908 کا نام دیا گیا ہے۔
فلسطین نیوز کو موصول ہونے والی اطلاعات کے مطابق فلسطینی تجزیہ نگار اور اسرائیلی توسیع پسندی کے امور کے ماہر خلیل تفکجی نے بتایا کہ ’نوف زھاو‘ صیہونی کالونی میں جلد ازجلد 600 گھروں کی تعمیر کی تیاری کی جا رہی ہے۔ اگلے مرحلے میں اس میں 350 رہائشی فلیٹس کا مزید اضافہ کیا جائے گا۔تجزیہ نگار نے مزید کہا کہ اسرائیلی سرمایہ کاروں کی طرف سے بھی صیہونی کالونی میں مزید مکانات کی تعمیر اور تیاری کے لیے دباؤ موجود ہے۔ یہ منصوبہ ایک ایسے وقت میں پیش کیا جا رہا ہے جب دوسری جانب امریکی حکومت اور صدر ڈونلد ٹرمپ نے فلسطین میں صیہونی آباد کاری کی مکمل چھٹی دے رکھی ہے۔
امریکی صدر ڈونلڈ ٹرمپ نے چھ دسمبر 2017ء کو بیت المقدس کو اسرائیل کا ابدی اور غیرمنقسم دارالحکومت قرار دیتے ہوئے تل ابیب سے اپنا سفارت خانہ القدس منتقل کرنے کا اعلان کیا تھا۔
خلیل تفکجی نے بتایا کہ صیہونی کالونی میں 600 رہائشی یونٹس کی تعمیر کے ساتھ 550 کمروں پر مشتمل ایک بڑا ہوٹ۔ بھی تعمیر کیا جائے گا۔ اس کالونی کو القدس میں قائم ریل کار سے ملایا جائے گا جب کہ منصوبے کے دوسرے اور آخری مرحلے میں 550 مکانات کی تعمیر زیرغور ہے۔