مقبوضہ بیت المقدس (فلسطین نیوز۔مرکز اطلاعات) یہودیوں کے مذہبی تہوار ’ایسٹر‘ کی آمد پر صیہونی فوج نے بیت المقدس کو چھاؤنی میں تبدیل کردیا ہے۔
فلسطین نیوز کو موصول ہونے والی اطلاعات کے مطابق ایسٹر تہوار کے موقع پر فلسطینیوں کی طرف سے مزاحمتی کارروائیوں میں اضافے اور فدائی حملوں کا خطرہ ہے، جس کے پیش نظر القدس میں فوج اور پولیس کی نفری میں اضافہ کیا گیا ہے۔عبرانی اخبار ’معاریو‘ نے جمعہ کے روز اپنی اشاعت میں بتایا لہے کہ گذشتہ ایک سال کے دوران القدس میں فلسطینیوں کی مزاحمتی کاررروائیوں میں کمی آئی ہے مگر اس کے باوجود صیہونی آباد کاروں اور فوج پر فلسطینیوں کے اچانک حملوں کا خطرہ موجود ہے۔
ایسٹر کے موقع پر فلسطینی مزاحمت کاروں کی جانب سے براہ راست حملوں کا خطرہ موجود ہے۔ اسرائیلی پولیس چیف رونی الشیخ کی زیرنگرانی اجلاس کے دوران القدس میں سیکیورٹی کی تعداد میں اضافہ کیا گیا ہے۔
معاریو کے مطابق غزہ کی سرحد پر فلسطینیوں کے مزاحمتی حملوں سے نمٹنے کے لیے اسرائیلی فوج پوری طرح تیار ہے۔