مقبوضہ بیت المقدس (فلسطین نیوز۔مرکز اطلاعات) صہیونی فوج نے وحشیانہ کریک ڈاؤن کے دوران بیت المقدس سے پانچ فلسطینیوں کو حراست میں لینے کے بعد نامعلوم مقام پر منتقل کردیا ہے۔
فلسطین نیوز کو موصول ہونے والی اطلاعات کے مطابق اتوار کے روز اسرائیلی فوج نے مشرقی بیت المقدس میں شعفاط پناہ گزین کیمپ میں اسرائیلی فوج نے تلاشی کا سلسلہ شروع کیا۔ گھر گھر تلاشی کے دوران ایک خاتون سمیت چار افراد کو حراست میں لے لیا گیا۔مقامی ذرائع کا کہنا ہے کہ دسیوں اسرائیلی فوجیوں نے شعفاط پناہ گزین کیمپ پر چھاپے مارے اور گھر گھر تلاشی کے دوران توڑ پھوڑ کے ساتھ لوٹ مار بھی کی۔ اس دوران اسرائیلی فوج نے ایک خاتون سمیت چار فلسطینیوں کو حراست میں لے لیا۔
صیہونی فوج نے ایک فلسطینی دکاندار کو بھی حراست میں لینے کے بعد نامعلوم مقام پر منتقل کردیا۔