نابلس (فلسطین نیوز۔مرکز اطلاعات) صیہونی فوجیوں نے غرب اردن میں ایک اور فلسطینی کو گولی مار کر شہید کردیا ہے۔
فلسطین نیوز کو موصول ہونے والی اطلاعات کے مطابق صیہونی فوجیوں نے منگل کی صبح غرب اردن کے شہر نابلس میں ایک نوجوان فلسطینی کو گولی ماردی – فلسطینی خبررساں ایجنسی شہاب نے خبردی ہے کہ صیہونیوں نے دعوی کیا ہے کے یہ فلسطینی نوجوان شہادت پسندانہ کارروائی انجام دینا چاہتا تھا اسی لئے اس کو گولی ماردی گئی۔اس درمیان صیہونی فوج کے ریڈیو کے اینکر نے گذشتہ جمعے کو فلسطینیوں کی پُرامن ریلی پر اسرائیلی فوج کے وحشیانہ حملوں کے ردعمل میں اپنے فیس بک کے پیج پر لکھا ہے کہ مجھے خود کو اسرائیلی کہتے ہوئے شرم محسوس ہوتی ہے – اسرائیلی فوجیوں نے گذشتہ جمعے کو غزہ میں یوم الارض کی مناسبت سے نکالی گئی ریلی پر وحشیانہ حملے کرکے اٹھارہ فلسطینیوں کو شہید اور ڈیڑھ ہزار سے زائد کو زخمی کردیا تھا۔